موج البحر خاين والبحر غدار..

كذب من قال موج البحر خاين والبحر غدار..
وأنا في عيني أمواجه قبر .. وأدفن بها أسراري..

لك الله يابحر من وين جبت الصبر ياصبار..

وأنا صبري عجز لايكتم الي شفت بأقداري..

أنا يا بحر همي ساحلك.. والمركب الدوار..
يسوق الموج للمينا وتصدم في صخر ظاري ..

أنا مدك وجزرك والهوى واليل والأنوار..
طلبتك يا بحر .. نزل شراعك واسمع أخباري..

أنا شلت الغرام الي سنين العمر به تحتار ..
وتهت وضعت بين المستحيل.. ورغبة أصراري..

سريت اليل أنا يابحر كن النجم لي سمار..
وصلت لشطك الظالم ولا أدري وين مشواري..

وعجزت أغلق شبابيك الحزن وأرخي عليها ستار..
وأخاف الشمس تفضحني نهار يشوفني جاري..

سبحتك لين سموني بعدك ((ب فلان )) البحار..

تعال وعوم فيني.. شوف لولوي ومحاري..

تعال .. وشف أثر عصفور سطح الماء فزعه وطار..
ودور لي هنا ضلع توارى.. وين متواري ؟!

توارت قبله دموعي عن الجلاس والأنظار..
وتوارت قبله أحلامي.. وعاشت خارج أسواري..

سريت الليل وأثر الليل ناوي يفضح الأسرار..
وأثاري كل ليل مرني من فرحتي عاري..

أنا ما أذكر من الرحله سوى دمع هما مدرار..
ومجداف رميته في ظلامك جيت به ساري ..

أنا غصن ظلمه الوقت ماعدت عليه أمطار..
رداة الحظ خلتني .. أعيش آطار آثاري!

أنا أدري ما بيدينك فرح تعطيني عليه اقرار..
وأنا أدري ان السكوت أرحم من الشكوى لجزاري..

أنا جيتك أبي أخمد على شاطيك بعض النار..
وأثر حالك مثل حالي تعاني الجرح وتداري ..

بحر .. بالله توعدني وعد.. لاتفضح الاسرار
يهون الموت بأمواجك.. ولا تتشت أسراري!!

منقول..