ولاتعتذر لي بالرصيد .. وقلبك بليا رصيد

صبحكم / مساكم الله بالخير جميعا




ولاتعتذر لي بالرصيد .. وقلبك بليا رصيد ...!




القصيده :




من أول المشوار وانت تقول ماعندي رصيد
لين إنتيهينا وأنت عذرك .. في كروت التعبئه


أحرجتني وأجرحت نفسك في غموضك ياعنيد
والا المشاعر ماتبي الا وضوح .. وتهجئه


خليتني للهم والغربال ولحالي وحيد

وقابلت إحساني معاك بكبرياء وسيئه


لو كنت واضح بالهوى .. ومن الصراحه مستفيد
ان كان ماخليت قلبك في فئه .. وانت بفئه


يمكن تغصب الرجل تمشي بالطريق اللي تريد
والقلب مايقدر يحب بغصب .. مهما تهيئه


حرارة الحب الحقيقي ينصهر منها الحديد
وبرودة الإحساس ماينفع معاها التدفئه


ومادمت ناوي بالجفاء تطعنّي وترحل بعيد
أطعني في كتفي ولاتطعني في وسط الرئه


ولاتعتذر لي بالرصيد .. وقلبك بليا رصيد
التعبئه للقلب ماهي للجهاز التعبئه