ليالي العاشق

بسم الله الرحمن الرحيم



لا ياليل عجل خطوتك عني ترى طالت
او انه جاز لك فيني عذاب مورد الخدين
مدام ان الاماني وسط قلبي حبلها فالت
وانا مالي جدى غير اسهرك واقلب الجنبين
غرامٍ من طرقته والحنايا للهوى مالت
دخلته وابتدت قصة عذاب العاشق المسكين
احسب ان الهوى لعبه احايلها اذا احتالت

واذا ماجازت اللعبه اقول العب بها بعدين
طفل واقصى همومه دمعة عيونه اذا سالت
ويفرح لو تجيه امه وتمسح دمعة العينين

انا اول لو شكا عاشق غرامه قلت له مالت
اجل تشكي طعون الحب00بالي طعنة السكين
كبرنا والمشاعر في رياض العاشق اختالت
وحنّا يازمن حنّا لك الله يازمن غافين
خذت نفسي من هموم الزمان المر واكتالت
تفرقنا ولا فقنا من الصدمه الين الحين
املنا يبست عروقه وريح الصيف لازالت
ولاباقي لنا حيله سوى تصفيقة الكفين
عرفت الحين معنى الحب معنى الناس لاقالت
عسى الله يرحم العاشق اقول بداخلي 00آمين
اجل ياليل عجل خطوتك عني ترى طالت
يكفي ليلك لحالك يصير بوحدتي ليلين



تقبلو تحياتي