اقول احبك صدق من قلب واهواك

اللي بزينه وبحلاه يتحداك
يرتاح مثل العالم المستريحه

يازين ماشافت عيوني حلاياك
اقولها يازين كلمة صريحه

سبحان من كمل جمالك وسواك
مكمل وصوفك بصوره صحيحه

اللي يمرك بالنظر ماتعداك
ياكثر ناس عقب شوفك طريحه

ضحكة بليا قصد بانت من شفاك
ياكم عيون من سببها جريحه

لولا الحيا صاحوا وقالوا عشقناك
لكن خوف من الزرا والفضيحه

أنت القمر لو له عيون وتحلاك
الظاهر انك عن مكانه تزيحه



ان كان حطك في مكانه وخلاك
تنير في كل البلاد الفسيحه

ولا القصايد تنحني طوع لرضاك
تزينت باسمك ولو هي قبيحه

ان غبت عن شاعرك بالصوت ناداك
واذا لمح زولك تهيض القريحه

اقول احبك صدق من قلب واهواك
ومن هو حبيب لك حياته مريحه

ان عشت عايش مع خيالك وذكراك
وان مت يالغالي قل الله يبيحه